arbab ghulam rahim

ارباب غلام ر حیم وزیراعظم کے اعزازی مشیر مقرر

EjazNews

ارباب غلام رحیم نے وزیراعظم عمران خان کے ساتھ ایک ملاقات کے بعد حکمران جماعت پاکستان تحریک انصاف میں شمولیت اختیار  کر لی تھی۔

کابینہ ڈویژن سے جاری نوٹیفکیشن میں کہا گیا کہ

وزیراعظم عمران خان سندھ کے امور پر ڈاکٹر ارباب غلام رحیم کی بطور معاون خصوصی تعیناتی پر خوش ہیں۔

نوٹیفکیشن کے مطابق ڈاکٹر ارباب غلام رحیم کی تعیناتی اعزازی بنیاد پر کی گئی ہے۔

حکومتی ذرائع کے مطابق وزیر اعظم کا اگست سے سندھ میں جلسوں کا منصوبہ ہے اور اس سے قبل یہ اہم تعیناتی کی گئی ہے، سابق وزیر اعلیٰ سندھ ڈاکٹر ڈاکٹر ارباب غلام رحیم نے حال ہی تحریک انصاف میں شمولیت اختیار کی تھی۔

ڈاکٹر ارباب غلام رحیم کی تعیناتی کے بعد وزیراعظم کی کابینہ کی تعداد بڑھ کر 53 ہوگئی ہے، جس میں معاونین خصوصی کی تعداد بڑھ کر 17 اور وفاقی کابینہ میں غیر منتخب شخصیات کی تعداد بڑھ کر 18 ہوگئی ہے۔

یہ بھی پڑھیں:  زر ضمانت جمع کروائیں آج ہی روانہ ہو جائیں:حکومت، روانگی مشروط کرنا ناقابل فہم ہے:مسلم لیگ ن

کابینہ ڈویژن کے ذرائع کے مطابق وفاقی وزرا میں ایک غیر منتخب وفاقی وزیر، 13 معاونین خصوصی اور وزیراعظم کے تمام چار مشیر بھی غیر منتخب ہیں جبکہ وفاقی وزرا کی تعداد 28 اور وزرائے مملکت کی تعداد 4 ہے۔

حکومتی ذرائع کے مطابق وزیر اعظم کا اگست سے سندھ میں جلسوں کا منصوبہ ہے اور اس سے قبل یہ اہم تعیناتی کی گئی ہے۔

سندھ میں گرینڈ ڈیموکریٹک الائنس (جی ڈی اے) کے رہنما ارباب غلام رحیم نے گزشتہ ماہ دعویٰ کیا تھا کہ اتحاد میں شامل جماعتیں خود کو وزیراعظم عمران خان اور ان کی جماعت پی ٹی آئی سے خود کو دور محسوس کرتی ہیں۔
ان کا کہنا تھا کہ پی ٹی آئی کی حمایت سے دستبردار ہونے کا سوچ سکتے ہیں جب حکومت سندھ پولیس کے ذریعے ہمیں ظلم کا نشانہ بنا رہی ہوں اور وزیراعظم ہماری پہنچ میں ہی نہ ہوں۔

بعد ازاں پی ٹی آئی میں شمولیت کے بعد ارباب غلام رحیم نے کہا تھا کہ وزیراعظم عمران خان نے انہیں سندھ میں پی ٹی آئی کو منظم کرنے کا ہدف دیا ہے اور آنے والے دنوں میں صوبے سے مزید اچھی خبریں ملیں گی۔

یہ بھی پڑھیں:  موجودہ حکومت کو دئیے گئے سابق حکومت کے تحفے

ارباب غلام رحیم نے 2013 میں سابق وزیراعلیٰ پنجاب شہباز شریف سے ملاقات کے بعد اپنی جماعت پیپلز مسلم لیگ (پی ایم ایل) کو پاکستان مسلم لیگ (ن) میں ضم کردیا تھا جبکہ اسے قبل وہ پاکستان مسلم لیگ (ق) کے پلیٹ فارم سے 2004 سے 2007 تک سندھ کے وزیراعلیٰ رہ چکے ہیں۔

اپنا تبصرہ بھیجیں