pak_vs-eng

پاکستان اور انگلینڈ کے درمیان فائنل ٹی ٹونٹی آج کھیلا جائے گا

EjazNews

پاکستان اور انگلینڈ کے مابین تیسرا اور سیریز کا آخری ٹی 20 انٹرنیشنل میچ آج کھیلا جائے گا۔ میچ پاکستانی وقت کے مطابق رات 10:30 بجے اولڈ ٹریفورڈ مانچسٹر میں شروع ہوگا۔

دونوں ٹیموں کے درمیان تین میچوں کی سیریز ایک ایک سے برابر ہے۔ دونوں ٹیمیں میچ جیت کر سیریز اپنے نام کرنے کی خواہش مند ہیں۔

پاکستان نے سیریز کے پہلے میچ میں میزبان ٹیم کو شکست دی تھی۔انگلینڈ نے پاکستان کو دوسرے میچ میں45رنز سے شکست دی تھی۔

انگلینڈ کیخلاف دوسرے میچ کیلئے جو ٹیم سلیکٹ کی گئی اس پر پاکستان کرکٹ بورڈ کو سخت تنقید کا بھی سامنا کرنا پڑا۔ شعیب اختر نے کہا مجھے سمجھ نہیں آئی کہ پاکستان نے ٹاس جیت کر بولنگ کا فیصلہ کیوں کیا۔

پاکستان کو تین میچز کی ون ڈے انٹرنیشنل سیریز میں پہلے ہی انگلینڈ کے ہاتھوں مات ہوچکی ہے۔ گرین شرٹس آخری ٹی20 میچ جیت کر نہ صرف سیریز اپنے نام کر سکتے ہیں بلکہ ون ڈے سیریز کا حساب بھی برابر کر سکتے ہیں۔

یہ بھی پڑھیں:  پاکستان اور نیوزی لینڈ کتنی بار میچ کھیل چکے ہیں ؟اور کون سی ٹیم کتنی بار جیتی؟

کپتان بابراعظم کی قیادت میں قومی ٹیم نے 20 ماہ کے دوران کوئی ٹی20 سیریز نہیں ہاری لیکن اب ان کا یہ ریکارڈ خطرے میں ہے۔ ان کی قیادت میں پاکستان کرکٹ ٹیم نے آخری بارنومبر2019 میں آسٹریلیا کے خلاف سیریز آسٹریلیا میں ہاری تھی۔

اس کے بعد گرین شرٹس نے زمبابوے، جنوبی افریقہ اور بنگلا دیش کے خلاف ٹی20 سیریز اپنے نام کی۔ انگلینڈ کے خلاف انگلینڈ میں پاکستان کی سیریز ایک ایک سے ڈرا ہوئی۔

گزشتہ سال نیوزی لینڈ نے پاکستان کو سیریز میں شکست دی تھی لیکن اس ٹیم کی قیادت بابر اعظم کی غیر موجودگی میں شاداب خان کر رہے تھے۔

آج کا میچ نا صرف ٹیم کی کارکردگی بلکہ بابراعظم کے ریکارڈ کیلئے بھی اہم سمجھا جارہا ہے۔ انگلینڈ کو شکست دینے سے قومی ٹیم ون ڈے سیریز کا حساب بھی برابر کر سکتی ہے اور کپتان کا سیریز میں ناقابل شکست رہنے کا ریکارڈ بھی برقرا رہ سکتا ہے۔

یہ بھی پڑھیں:  فواد عالم کا کرکٹ کی دنیا میں نیا ریکارڈ

اپنا تبصرہ بھیجیں