Eid_Holidays

نماز عید کیلئے رہنما ہدایات جاری

EjazNews

اسلام آباد میں این سی او سی کا اجلاس وزیر منصوبہ بندی اسد عمر اور لیفٹیننٹ جنرل حمود الزمان خان کی سربراہی میں ہوا جس میں 8 سے 16 مئی تک ملک بھر میں نقل و حمل محدود رکھنے کے اقدامات کا جائزہ لیا گیا۔اجلاس میں وزیراعظم کے معاون خصوصی برائے صحت ڈاکٹر فیصل سلطان بھی بذریعہ ویڈیو لنک شریک ہوئے۔

16 مئی تک نافذ پابندیوں کے تناظر میں فورم نے کورونا وبا کا پھیلاؤ روکنے کے لیے ایس او پیز پر عملدرآمد کے قومی عزم پر زور دیا۔
این سی او سی نے قوم پر زور دیا کہ پاکستانی عوام کی بھلائی کے لیے اٹھائے گئے ان اقدامات کی حمایت کے لیے متحد کھڑے ہوں۔

این سی او سی اجلاس میں ملک بھر میں نماز عید کے اجتماعات کے لیے رہنما ہدایات جاری کی گئیں جو مندرجہ ذیل ہیں:

نماز عید کا انتظام کووِڈ 19 کے پروٹوکولز کو ملحوظ رکھتے ہوئے کھلے مقام پر کیا جائے، اگر مسجد میں ادا کرنا مجبوری ہو تو ہوا کی آمد و رفت کے لیے کھڑکیاں دروازے کھلے رکھے جائیں۔

یہ بھی پڑھیں:  لاہور قلندرز کی 8 وکٹوں سے شاندار فتح

عوام کی تعداد کم رکھنے کے لیے ایک مقام پر مختلف اوقات میں نماز عید کے 2، 3 اجتماع کیے جائیں۔

نماز کے دوران عوام کے میل جول کے وقت کو کم رکھنے کے لیے خطبے مختصر رکھنے کی کوشش کی جائے۔

بیمار، بزرگوں اور 15 سال سے کم عمر بچوں کی نماز کے اجتماع میں شرکت کی حوصلہ شکنی کی جائے۔

نماز عید کے دوران فیس ماسک؍ سرجیکل ماسک پہننا لازم ہے۔

لوگوں کے ایک دوسرے سے ٹکراؤ سے بچاؤ کے لیے نماز کے مقام پر متعدد داخلی و خارجی راستے رکھے جائیں۔

اجتماع گاہ میں داخلے کے وقت نمازیوں کا جسمانی درجہ حرات دیکھا جائے۔

داخلی و خارجی مقام پر سینیٹیائزر کی دستیابی اور استعمال کیا جائے۔

اجتماع گاہ میں 6 فٹ کو سماجی فاصلہ کی نشان زدہ کردیا جائے۔

نمازی حضرات اپنے ہمراہ اپنی جائے نماز لے کر آئیں۔

نماز کے بعد آپس میں گھلنے ملنے اور مصافحہ کرنے سے گریز کیا جائے۔

یہ بھی پڑھیں:  آخر میاں شہبازشریف کی ضمانت منظور ہو ہی گئی

عید کی نماز سے پہلے اور بعد میں کوئی اجتماع نہ کیا جائے۔

اجتماع گارہ میں آگاہی مہم کے طور پر نمایاں مقامات پر کورونا پروٹوکولز اجاگر کرنے والے بینرز لگائے جائیں۔

ہجوم کے انتظام کے لیے پارکنگ ایریاز کو اچھی طرح سے تیار کیا جائے۔

خیال رہے کہ حکومت نے عید الفطر کے لیے 10 سے 15 مئی تک چھٹیوں کا اعلان کیا تھا اور اس دوران عوام کی نقل و حمل کو محدود رکھنے کے لیے ہر قسم کے تفریحی مقام پر پابندی عائد کردی تھی۔

این سی او سی اور حکام نے عوام پر زور دیا کہ عید کی تعطیلات کے دوران غیر ضروری نقل و حمل سے گریز کریں، گھر میں رہیں اور محفوظ رہیں۔

خیال رہے کہ گزشتہ 24 گھنٹون کے دوران ملک میں مزید 113 افراد کورونا کے سبب جان کی بازی ہار گئے جبکہ مزید 3 ہزار 84 اس وبا میں مبتلا پائے گئے۔

یہ بھی پڑھیں:  ملازم کو دوسرا پلاٹ ملنا قانونی نہیں:اسلام آباد ہائیکورٹ