IPL

آئی پی ایل :دو کھلاڑیوں کا کورونا مثبت آگیا

EjazNews

انڈین کرکٹ پریمیئر لیگ کا بائیو سیکیور ببل بریک ہونے سے 2 کھلاڑیوں میں کورونا کی تصدیق ہوئی ہے۔

دو بھارتی کھلاڑیوں میں کورونا کی تصدیق ہونے سے کولکتہ نائٹ رائیڈرز اوررائل چیلنجرز کے درمیان بنگلورمیں ہونے والا میچ ملتوی کر دیا گیا ہے۔

بھارتی کھلاڑی وارن چکروردی اور سندیپ واریئر کا کورونا ٹیسٹ مثبت آیا ہے۔

انتظامیہ کا کہنا ہے کہ ورون چکرورتھی بائیو ببل چھوڑنے کی اجازت لے کر اپنے کندھے کا سکین کرانے ہسپتال گئے تھے۔

آئی پی ایل انتظامیہ کے مطابق دونوں کھلاڑیوں کا تعلق کولکتہ نائٹ رائیڈرز سے ہے اور ٹیم کے دیگر کھلاڑیوں کے ٹیسٹ بھی کیے جا رہے ہیں۔

ایسے لوگوں کے ٹیسٹ بھی کیے جا رہے ہیں جو48 گھنٹوں کے دوران ان دونوں کھلاڑیوں سے ملے تھے۔

کولکتہ نائٹ رائیڈرز اس وقت پوائنٹس ٹیبل پر ساتویں نمبر پر ہے اور اس نے اپنے پہلے سات میچز میں سے صرف دو میں فتح حاصل کی ہے۔ نائٹ رائیڈرز نے اپنا آخری میچ جمعرات کو دہلی کیپیٹلز کے خلاف احمد آباد میں کھیلا تھا۔

یہ بھی پڑھیں:  کراچی کنگزفتح کے بعد پلے آف میں، کوئٹہ گلیڈی ایٹرز پی ایس ایل سے باہر

آئی پی ایل2021 میں کسی کھلاڑی کے کرونا سے متاثر ہونے کا یہ پہلا واقعہ ہے۔ بھارتی لیگ کے بعض ملکی و غیر ملکی کھلاڑی پہلے ہی ایونٹ چھوڑ کر جا چکے ہیں۔