mamata banerjee_win

ریاستی انتخابات میں مودی کوبڑا دھچکا، ممتا بینر جی کی جیت

EjazNews

مغربی بنگال میں ممتا بنرجی کی کامیابی، بھارتیہ جنتا پارٹی کا انتخابی الائنس صرف 2 ریاستوں میں کامیابی حاصل کرسکا،تین ریاستوں میں اپوزیشن جماعتوں نے میدان ما رلیا، مغربی بنگال میں 185 پر ممتا بنرجی کی ترنمول کانگریس نے کامیابی حاصل کی ، کیرالہ میں بی جے پی اتحاد صرف کو صرف 3 نشستیں مل سکیں، بھارت کی 5 ریاستوں مغربی بنگال، تامل ناڈو، کیرالا، آسام اور پڈوچیری کی ریاستی اسمبلی کے انتخابات میں مودی کی جماعت بھارتیہ جنتا پارٹی کو 3 ریاستوں میں شکست کا سامنا ہے جب کہ دو ریاستوں میں انتخابی اتحاد کے باعث بہ مشکل سبقت حاصل کرسکی جبکہ باقی ریاستوں میں اپوزیشن جماعتوں نے میدان مار لیا۔

ریاست مغربی بنگال میں 292 نشستوں میں 185 پر وزیراعلیٰ ممتا بنرجی کی ترنمول کانگریس نے کامیابی ،بی جے پی دوسرے نمبر پر رہی۔بھارتی میڈیا کے مطابق 5 ریاستوں کی قانون ساز اسمبلی (ودھان)کے لیے ہونے والے الیکشن کے نتائج آنے کا سلسلہ جاری ہے۔ مغربی بنگال میں ممتا بنرجی کی جماعت ترنمول کانگریس، تامل ناڈو میں درا ویدیئن پروگریسیو فیڈریشن، کیرالہ میں لیفٹ ڈیموکریٹک فرنٹ جب کہ آسام اور پڈوچیری میں بی جے پی کی سربراہی میں قائم انتخانی اتحاد نیشنل ڈیموکریٹک الائنس نے میدان مار لیا ہے۔سب سے اہم اہمیت کا حامل الیکشن مغربی بنگال کا تھا جہاں 292 نشستوں میں 185 پر وزیراعلی ممتا بنرجی کی جماعت ترنمول کانگریس نے کامیابی حاصل کرکے مودی کو شکست کی دھول چٹادی۔ بی جے پی 104 نشستیں جیت کر دوسرے نمبر پر رہی۔ اس ریاست میں انتخابی مہم کے دوران جھڑپوں میں ہلاکتیں بھی ہوئی تھیں۔

یہ بھی پڑھیں:  دوسری عالمی جنگ میں شہریوں نے چھ برس تک سختیاں برداشت کیں، کرونا کے خلاف جنگ تو اس کے مقابلے میں آسان ہے

دوسرا بڑا انتخابی معرکہ تامل ناڈو میں ہوا جہاں 234 میں سے 138 نشستوں پر ڈی ایم کے نے فتح کے جھنڈے گاڑ دیئے جب کہ اپوزیشن جماعت نے 92 نشستوں پر کامیابی حاصل کی۔ اس ریاست میں بی جے پی نہ ہونے کے برابر ہے۔اسی طرح کیرالہ میں 140 نشستوں کے لیے مقابلہ تھا جو بائیں بازو کی جماعت لیفٹ ڈیموکریٹک فیڈریشن نے 81 نشستیں جیت کر اپنے نام کرلیا۔ یونائیٹڈ ڈیموکریٹک پارٹی کو 50 نشستیں مل سکیں۔ یہاں بی جے پی کے 30 سے زائد سیاسی جماعتوں کے انتخابی اتحاد کو صرف 3 نشستیں مل سکیں۔آسام میں بی جے پی کے انتخابی اتحاد نیشنل ڈیموکریٹک الائنس نے 77 نشستوں پر کامیابی حاصل کی جب کہ یونائیٹڈ پروگریسیو الائنس نے 48 سیٹیں اپنے نام کیں اسی طرح پڈوچیری میں 30 میں 17 نشستیں مودی کے اتحاد اور 11 یونائٹڈ پروگریسیو الائنس نے حاصل کیں۔