Jimi shargill

جمی شیر گل اور عملے کے 35افراد پر کورونا ایس او پیز کی خلاف ورزی پر مقدمہ درد

EjazNews

وہ بنا اجازت اور کورونا ایس او پیز کی خلاف ورزی کرتے ہوئے اسرائیلی ویب شو کے ری میک ویب سیریز ‘یور آنر کی شوٹنگ میں مصروف تھے کہ پولیس نے چھاپا مار کر گرفتار کرلیا۔

جمی شیر گل سمیت عملے کے دیگر 35 افراد کے خلاف 27 اپریل کو مقدمہ درج کیا گیا تھا۔ مقدمہ ڈویژن نمبر 1 پولیس تھانے میں انڈین پینل کوڈ کی دفعات 188 اور 269 اور ایپیڈیمک ڈیزیز ایکٹ کی دفعہ 3 کے تحت درج کیا گیا ہے۔

رپورٹس کے مطابق سب انسپکٹر ہرجیت سنگھ نے بتایا کہ 27 اپریل کو رات 8 بجے لدھیانہ میں واقع آریا سینئر سیکنڈری اسکول میں عملے کے 150 افراد ویب سیریز کی شوٹنگ کررہے تھے۔

ان دنوں کورونا وائرس کی وبا کے پھیلاؤ پر قابو پانے کے لیے بھارتی پنجاب میں شام 6 بجے سے صبح 5 بجے تک لاک ڈاؤن نافذ ہوتا ہے۔
تاہم سکول انتظامیہ نے کہا کہ عملے کی جانب سے لدھیانہ کے پولیس کمشنر راکیش اگروال سے شوٹنگ کی اجازت لی گئی تھی۔

یہ بھی پڑھیں:  امریکی ریاست ورجینیا میں ماضی کی معروف اداکارہ صبیحہ خانم انتقال کرگئیں

سکول کے پرنسپل راجندر کمار نے کہا کہ ہم نے عملے کو شوٹنگ کی اجازت اس وقت دی جب انہوں نے پولیس کمشنر سے اجازت لے لی تھی۔

انہوں نے کہا کہ پروڈکشن ٹیم نے 10 روز یعنی 23 اپریل سے 2 مئی تک کیمپس کے مختلف حصوں میں شوٹنگ کی اجازت طلب کی تھی۔

کول کے پرنسپل نے کہا کہ ہم نے انہوں نے کورونا پروٹوکولز پر عمل کرنے کا کہا تھا اور اس وقت شوٹنگ پریئر گراؤنڈ میں ہورہی تھی جہاں 800 افراد کی جگہ ہے۔

انہوں نے کہا کہ ہمارا سکول 1849 میں بنا تھا اور ہم شوٹنگ کے لیے اپنی عمارت کی حدود کے استعمال پر کوئی رقم وصول نہیں کرتے، یہاں کئی فلموں کی شوٹنگ ہوئی ہے۔

رپورٹس کے مطابق بعدازاں جمی شیر گل اور عملے کے دیگر افراد کو ضمانت پر رہا کردیا گیا تھا۔

یہ بھی کہا جارہا ہے کہ جب پولیس جائے وقوع پر پہنچی تو اس وقت عدالت کے سین کی شوٹنگ ہورہی تھی اور جمی شیر گل اس سیریز میں جج کا کردار ادا کررہے ہیں۔

یہ بھی پڑھیں:  ہمایوں سعید اور عدنان صدیقی کا کرونا ٹیسٹ اور مداحوں کی دلچسپ باتیں