imran_khan_Na

بھارت پاکستان اسٹاک ایکسچینج پر دہشتگردی کے حملے میں ملوث ہے:وزیراعظم

EjazNews

وزیراعظم عمران خان نے کہا ہے کہ پاکستان کو کوئی شک نہیں کہ بھارت گزشتہ روز پاکستان اسٹاک ایکسچینج پر دہشتگردی کے حملے میں ملوث ہے۔
انہوں نے قومی اسمبلی میں کہا کہ ہماری سیکورٹی فورسز نے کل ایک بڑے سانحے کو رونما ہونے سے روکا کیونکہ دہشتگردوں کے پاس سٹاک ایکسچینج میں لوگوں کو یرغمال بنانے اور خوف اور غیر یقینی کا ماحول پیدا کرکے انہیں قتل کرنے کیلئے بھاری اسلحہ اور گولہ بارود موجود تھا۔
وزیراعظم نے کہا کہ ہمارے ہمسایہ ملک کا پاکستان کو غیر مستحکم کرنے کے حوالے سے بڑا منصوبہ ہے۔
انہوں نے کہا کہ ہمارے خفیہ ادارے انتہائی چوکس ہیں اور انہی کی کوششوں کی بدولت اسلام آباد کے نواح میں دوحملوں سمیت دہشتگردی کے چار حملوں کو ناکام بنادیا گیا۔

یہ بھی پڑھیں:  رکن پنجاب اسمبلی شاہین رضا کرونا سے جاں بحق