bilwal

مقبوضہ کشمیر کے عوام ہمارے بہن،بھائی ہیں،ہم ایک جان دو قالب ہیں:بلاول بھٹوزرداری

EjazNews

بلاول بھٹو زرداری کا پارلیمنٹ کے مشترکہ اجلاس سے خطاب کرتے ہوئے کہنا تھا کہ بھارت میں گجرات کا قصائی اعلیٰ ترین عہدے پر فائز ہے۔ پاکستان کو فوری او آئی سی کا ہنگامی اجلاس طلب کرکے بھارت کو موثر جواب دینا چاہیے۔بھارت نے صرف کشمیر پر ہی نہیں اقوام متحدہ ،برصغیر کے مسلمانوں پر بھی حملہ کیا ہے۔ بھارت نے مقبوضہ کشمیر پر تاریخ کا بدترین وحشیانہ حملہ کیا ہے۔بھارت نے مقبوضہ کشمیر میں ذرائع مواصلات پر مکمل پابندی لگائی ہوئی ہے۔پارلیمنٹ کا مشترکہ اجلاس طلب کرنے پر صدر مملکت کا مشکور ہوں۔مقبوضہ کشمیر کے عوام ہمارے بہن،بھائی ہیں،ہم ایک جان دو قالب ہیں۔ مودی سرکار نے بھارتی جمہوریت اور نام نہاد سیکولرازم پر بھی حملہ کیا ہے۔مودی سرکار نے بیک جنبش قلم نیا پنڈورا باکس کھول دیا ہے۔ ہم مقبوضہ کشمیر میں بھارتی جارحیت اور مظالم پر خاموش نہیں رہ سکتے۔

یہ بھی پڑھیں:  آئی سی سی ویمنز ٹی ٹونٹی ورلڈ کپ2020 کے لیے قومی اسکواڈ کا اعلان