avenger

ایوینجر اینڈ گیم نے ایک اور تاریخ رقم کر دی

EjazNews

مارول سٹوڈیو دنیا کو بچانے والے ہیرو بنانے میں مصروف ہے اور اس کے ہیرو دنیا بھر سے کمائی کر کے مارول سٹوڈیو کی جھولی میں پھینک رہے ہیں۔
جیمز کیمرون فلمی دنیا کے وہ بادشاہ ہیں جو جب بھی کچھ کرتے ہیں کمال کرتے ہیں، چاہے ٹائی ٹینک کی صورت میں ہو یا پھر اوتار کی۔ ان کی ہر فلم پہلے سے زیادہ بزنس بھی کماتی ہے اور وہ دنیا کو ایک نئی سمت بھی دکھاتے ہیں۔ جیمز کیمرون کی فلمیں دنیا بھر کی کامیاب ترین فلمیں ہیں اور ان کی فلمیں ایسی نہیں کہ جن کے بنانے کے پیچھے کوئی مقصد نہ ہو وہ دیکھنے والوں پر گہرے تاثرات چھوڑ کر جاتی ہیں۔
ویسے تو جیمز کیمرون کی فلمیں خود اپنا ریکارڈ توڑتی رہی ہیں لیکن اس دفعہ یہ کریڈٹ ایوینجر اینڈ گیم نے حاصل کر لیا ہے اور دنیا کی کامیاب ترین بزنس کے لحاظ سے ایوینجرز اینڈ گیم بن گئی ہے۔ ایوینجرز نے دنیا بھر کے باکس آفسوں سے 2.790بلین ڈالرز کما لیے ہیں۔

یہ بھی پڑھیں:  گیم آف تھرونز کی اداکارہ صوفی ٹرنر نے جیون ساتھی چن لیا

اس سے قبل جیمزکیمرون کی دونوں فلمیں نمبر ون اور نمبر ٹو پر تھیں یعنی ٹائی ٹینک اور اوتار اب ان دونوں کا ریکارڈ توڑ کر ایوینجرز اینڈ گیم پہلے نمبر پر آگئی ہے۔