ہمارے دشمن ہمیں زیر نہیں کر سکتے: صدر ایردوان

EjazNews

ترکی کو بلند زرمبادلہ کے نرخ اور سود کے ذریعے مشکلات سے دوچار کرنے کی کوشش کرنے والوں کو ہم نے اچھا سبق سکھایا ہے

ٹی آرٹی کے مطابق صدررجب طیب ایردوان نے اس بات پر زور دیا ہے کہ ظلم و ستم کے خلاف خاموش تماشائی نہ بننے والے ترکی کو دہشتگردی کے ذریعے زیر کرنے کی کوششیں کرنے والوںکو ہم نے اچھا سبق سکھایا ہے اور آئندہ بھی کرتے رہیں گے۔ترکی نے کاستامونو میں عوام سے خطاب میں انسدادِ دہشتگردی کا تذکرہ کرتے ہوئے کہا حالیہ چند برسوں میں دہشت گرد تنظیموں پی کے کے، فیتو اور داعش کے خلاف ہم نے وسیع پیمانے کی کامیابیاں حاصل کی ہیں۔انہوں نے کہا کہ 17 سالہ دور اقتدار میں ہم نے ہمیشہ اسی چیز کی جدوجہد کی ہے۔ ہمارے دشمن نے ہمیں ہمیشہ نقصان پہنچانے کی کوشش کی لیکن ہم نے پوری قوم کے ساتھ شانہ بشانہ ہوتے ہوئے ان کے عزائم کو ناکام بنایا ہے۔ انہوں نے کہا کہ ترکی کو بلند زرمبادلہ کے نرخ اور سود کے ذریعے مشکلات سے دوچار کرنے کی کوشش کرنے والوں کو ہم نے اچھا سبق سکھایا ہے۔ شعبہ اقتصادیات میں تدابیر اٹھانے کے عمل کو جاری رکھنے کی توضیح کرنے والے ایردوان نے بتایا کہ ترکی پر کھیلے جانے والے کھیل پہلے کی طرح آج بھی جاری ہے کیونکہ وہی ترک ہے دشمن وہی دشمن ہے۔
انہوں نے مزید کہا کہ ہم ان کی چالوں کو بگاڑ تے ہوئے ترکی کو مزید درخشاں مستقبل کی جانب آگے لے جائیں گے۔ وہ لوگ ہم سے دشمنی مول لے رہے ہیں کیونکہ ہم دنیا میں کسی مقام پر ہونے والے مظالم کے خلاف آواز بلند کرتے ہیں۔ ملک اور عوام اسی طرح ترقی کی جانب گامزن رہیں گے۔

یہ بھی پڑھیں:  زندگی آسان بنانے کی کوشش میں زندگی سے ہی ہاتھ دھو بیٹھے