شمالی کوریا سے متعلق چونکا دینے والے حقائق

EjazNews

شمالی کوریا کے بارے میں زیادہ سے زیادہ جاننا اکثر لوگوں کی خواہش ہوتی ہے کیونکہ یہ ایک ایسا ملک ہے جو باقی دنیا سے الگ تھلگ رہتا ہے- اور یہی تنہائی اس ملک کو مزید پراسرار بناتی ہے- شمالی کوریا سے وابستہ کئی ایسے چونکا دینے والے حقائق ہیں جن سے لوگوں کی ایک بڑی اکثریت ناواقف ہے- آج کے آرٹیکل میں ہم انہی چونکا دینے والے حقائق کا ذکر کریں گے-
شمالی کوریا میں خواتین کے لیے سرکاری طور پر 18 اقسام کے ہئیر اسٹائل منظور شدہ ہوتے ہیں اور وہ انہی طرز پر بال بنانے کی پابند ہوتی ہیں-
اسی طرح مردوں کے لیے 10 اقسام کے ہئیر اسٹائل ہیں اور وہ صرف اسی طرز پر بال کٹوا سکتے ہیں یا رکھ سکتے ہیں-
شمالی کوریا میں عیسوی کلینڈر کے بجائے Juche کیلینڈر استعمال کیا جاتا ہے جس کی بنیاد وہاں کے سپریم لیڈر Kim Il-sung کی تاریخِ پیدائش پر ہے-
شمالی کوریا کی بلند ترین عمارت Ryugyong ہوٹل کی ہے جو کہ شمالی کوریا کے دارالحکومت Pyongyang میں تعمیر ہے- 105 منزلہ یہ عمارت دنیا کی 24ویں بلند ترین عمارت ہے-
آپ کو یہ جان کر ضرور حیرت ہوگی کہ شمالی کوریا میں نیلے رنگ کی جینز زیب تن کرنے پر پابندی عائد ہے کیونکہ وہاں اسے امریکی سامراج کی علامت سمجھا جاتا ہے-
شمالی کوریا میں بجلی کی پیداوار بہت کم ہے اور اسی وجہ سے زیادہ تر راتوں میں یہ ملک اندھیرے میں ڈوبا ہوا ہوتا ہے-
شمالی کوریا کے اعلیٰ سیاسی رہنما کم جونگ ال کی موت کے بعد ملک کے ہزاروں باشندوں کو چھ ماہ کی قید کی سزا کا سامنا کرنا پڑا تھا کیونکہ حکومت کے مطابق ان باشندوں کو اس موت سے کوئی دکھ نہیں ہوا تھا-
شمالی کوریا نے سال 2015 میں اپنا ٹائم زون تخلیق کرلیا جس کا نام Pyongyang Time رکھا گیا- اب وہاں کی گھڑیوں کا وقت اس مقامی ٹائم زون کے مطابق سیٹ کیا جاتا ہے-
سال 2012 میں شمالی کوریا نے unicorn نامی افسانوی جانور دریافت کرنے کا دعویٰ کیا جبکہ دنیا میں کبھی اس جانور کا وجود رہا ہی نہیں ہے اور یہ صرف قصے کہانیوں میں ہی پایا جاتا ہے-
آپ یہ جان کر ضرور حیران رہ جائیں گے شمالی کوریا دنیا کے ان دو ممالک میں سے ایک ہے جہاں کوکا کولا کی خرید و فروخت پر پابندی عائد ہے- دنیا کا دوسرا ملک کیوبا ہے-
شمالی کوریا کے باشندوں کو مؤثر طریقے سے انٹرنیٹ تک رسائی حاصل نہیں ہے- یہاں اندرونی نیٹ ورک استعمال کیا جاتا ہے جو Kwangmyong کہلاتا ہے- اس نیٹ ورک کے ذریعے صرف حکومت سے منظور شدہ ویب سائٹس تک ہی رسائی ممکن ہے جن کی تعداد تقریباً 5500 ہے-
شمالی کوریا کے دارالحکومت Pyongyang میں قبضہ کر کے رکھا گیا امریکی بحریہ کا جہاز سیاحوں کی توجہ کا مرکز ہے-

یہ بھی پڑھیں:  قدرت کی 10 بھیانک آفتیں جو کیمرہ میں قید